/284/ Quinimo universum non esset nisi ex tot diversis
esset compositum; veluti homo non
esset perfectus homo nisi omnia membra,
quae tam diversa sunt, haberet. Ultimus finis
est futurorum eventuum praesignificatio, quare
Pomponatius, in libro De effectuum naturalium rerum causis,
et Cardanus, in libro 14. De rerum varietate, ex vetustis
et modernis historiis observasse se profitentur
monstra nunquam apparuisse, quin extraordinarij
casus contigissent. Quare Aristoteles,
in libro De historia animalium, aliquando appellat
monstra, mox prodigia et portenta. Monstra,
inquit Augustinus, 2. De civitate Dei, cap. 8., dicuntur a
monstrando, ostenta ab ostendendo, portenta
a portendendo, prodigia quasi porro dicant,
id est futura praedicant.
EXERCITATIO XLII
Apud Peripateticos quid sit Necessitas, Fatum,
Natura, Fortuna, Casus et Fors
accurate explicat.
Necessitas duplex est, una quae non habet
causam, nisi primam causam, ut Solis
ortus; altera quae pendet ex antecedenti
quocunque in se immutabiliter, ut calor ab
igni. Quare sic definietur: Connexio immutabilis
causae et effectus; ita intelligentur omnia
Indice
|
Pagine introduttive |
|
EXERCITATIONES |